Case un cento de adolescentes de toda Galicia veñen de comezar o programa de actividades da décima edición do Campus de Verán #XuvenCiencia2022 cunha xincana na que teñen que superar retos que lles servirán tanto para coñecer o Campus de Lugo da USC como os/as seus/súas propios/as compañeiros/as.
O Campus de Verán XuvenCiencia é unha actividade organizada polo Grupo XuvenCiencia co apoio do Vicerreitorado de Coordinación do Campus de Lugo e do Campus Terra da Universidade de Santiago de Compostela.
O Campus de Verán XuvenCiencia é membro da Rede Europea European Children’s Universities Network – EUCU.NET. O programa “ Lumieira Acompaña” corre a cargo da A.D.C. Lumieira Lugo.