Cando e onde ten lugar?
Do 4 ao 8 de xullo 2022 no Campus Universitario de Lugo. Con programa científico de día, actividades lúdicas no serán e á noitiña e o aloxamento.
A entrada será o domingo 3 de xullo, desde ás 18:00 H ata ás 21:00 H. A saída, o sábado 9 de xullo, desde as 09:00 H ata as 10:30 H. Para garantir o bo funcionamento do Campus de Verán non se permiten entradas e saídas fóra do horario establecido.
Quen pode participar?
O alumnado de 4º ESO e BAC así como de ciclos medios de FP. A idade máxima é 19 anos.
En que consiste?
O programa do Campus de Verán XuvenCiencia céntrase na realización de proxectos científicos e obradoiros e complétase con outras actividades como xincanas, visitas, concursos, unha festa de despedida... e algunha sorpresa máis!
Ofértanse actividades nos ámbitos científico-técnico e científico-social, así como no campo das artes e das humanidades. O reparto de ditas actividades faise segundo as preferencias que indicades na vosa preinscrición.
A partir das 18:00 participaredes todas e todos en actividades lúdicas dentro do programa Lumieira Acompaña.
Aloxamento
O fomento da convivencia, dentro e fóra das actividades científicas, constitúe un dos principais valores que se pretende impulsar dende o Campus XuvenCiencia e por iso, na edición deste ano, inclúese unha vez máis o exitoso programa Lumieira Acompaña, con actividades para as tardes e noitiñas, e aloxamento en residencias do Campus para todo o alumnado matriculado!
Desde a organización destácase que máis aló do fomento de vocacións científicas, XuvenCiencia conforma unha oportunidade única para que o alumnado coñeza e conviva con xente de toda Galicia e doutras partes do territorio español que nun futuro poden ser compañeiros de carreira. Asemade, o desenvolvemento persoal e a cooperación resultan aspectos fundamentais que desde XuvenCiencia pretenden reforzarse.
O Campus XuvenCiencia ofrécese unicamente en réxime de aloxamento.
Prezo
250 € para o Campus de Verán XuvenCiencia cos programas de serán e noitiña Lumieira Acompaña e con aloxamento.
A matrícula inclúe a participación nas actividades do Campus, o programa de tarde e noite Lumieira Acompaña, o material necesario para o Campus, o seguro, o xantar e almorzo de media mañá nun comedor universitario, así coma o diploma de participación da USC. Ademais, inclúe a pensión completa desde o domingo 3 de xullo ao sábado 9 de xullo (6 noites de aloxamento con almorzo e cea), con acompañamento de monitores titulados da A.D.C. Lumieira Lugo.
Covid-19
O Campus de Verán XuvenCiencia axustarase a todos os protocolos sanitarios que establezan as autoridades competentes nesas datas.
Como podo participar?
O proceso consta de dúas fases, a Preinscrición e a Matrícula:
Preinscrición
Enche o formulario de preinscrición e indícanos as túas actividades preferidas!
Prazo: 20 de maio, 15:30 H ata o 29 de maio, 23:59 H
Elixe as túas actividades e proxectos preferidos na nosa páxina web antes da preinscrición.
Mira estas capturas de pantalla para saber que che preguntaremos no formulario de preinscrición: formulario 1 formulario 2 formulario 3
Adxudicaremos a metade das prazas na orde da recepción da preinscrición e a outra metade por sorteo entre todo o alumnado inscrito.
Unha vez finalizado todo o proceso de preinscrición e matrícula asignamos os proxectos seguindo as preferencias de cada un/unha e seguindo unha orde aleatoria, non por orde de inscrición. Deste xeito aseguramos a todo o alumnado as mesmas oportunidades de optar aos seus proxectos preferidos.
Se tes dúbidas por favor escribe a xuvenciencia.matricula@usc.es
Matrícula
Atento ás listaxes na nosa web! Se estás na listaxe de admitidos/as, enche o formulario de matrícula e realiza o pago dentro do prazo indicado. Se non recibimos a matrícula no prazo de cada convocatoria, chamaremos ao/á seguinte da lista de agarda.
.
- Primeira Convocatoria: desde o 31 de maio ata o domingo 5 de xuño ás 23:59 H
- Segunda Convocatoria: desde o 7 de xuño ata o domingo 12 de xuño ás 23:59 H
- Terceira Convocatoria: desde o 14 de xuño ata o xoves 16 de xuño ás 23:59H
Importante: no caso de quen sodes menores de idade ten que entrar o pai/nai/titor/a no formulario de matrícula.
Por favor, imprime e asina o documento de autorización (a páxina 4 da solicitude en PDF que xerou o formulario de matrícula) e gárdao para a súa entrega na entrada do Campus. (Para os que sodes menores de idade, é preciso traer a autorización asinada pola persoa adulta responsable.)
Se polo que fose tendes extraviada a solicitude ou o xustificante, por favor, non dubidedes en solicitalo a través do correo electrónico xuvenciencia.matricula@usc.es
Unha vez matriculado enviarémosche máis información sobre o Campus e o aloxamento.
Captura de pantalla do formulario de matrícula:
Preguntas e respostas sobre o proceso de matrícula
No formulario de matrícula da USC debe identificarse o alumnado maior de idade ou o seu pai/nai/titor se é menor de idade. O formulario permite diferentes métodos de identificación: credenciais para persoal da USC, certificados electrónicos e DNIe, Cl@ve, e contas de Google ou Microsoft. Para acceder a estes métodos de identificación baixa na páxina de matrícula.
Realizas o pago da cota durante a matrícula e unicamente con tarxeta bancaria. O prazo de pago acaba ao final de cada fase de matrícula. Lembra que a matrícula soamente é válida co pago da cota. Se tes problemas co proceso de pago, consúltanos en xuvenciencia.matricula@usc.es
Xa case estás. Imprime e asina o documento de autorización (a páxina 4 da solicitude en PDF que xera o formulario de matrícula) e gárdao para a súa entrega na entrada do Campus.
En xuño enviarémosche máis información sobre o Campus e o aloxamento. Se tes dúbidas, pregunta en xuvenciencia.matricula@usc.es
Asignaremos os proxectos unha vez completada a matrícula. Na entrada ao Campus recibirás o teu portanome coa información sobre o teu proxecto.
Ao finalizar a matrícula, debes descargar a solicitude co documento de autorizacións, pero non se envía un correo.
Podes ver e descargar as solicitudes presentadas entrando nesta ligazón https://sede.usc.es/formularios/solicitudes/persoais/solicitudes/acceso.htm co mesmo certificado ou identificación que usaches durante a matrícula. Se tes problemas para acceder, podemos enviarche por correo o CSV do xustificante da solicitude.
Se entras na ligazón https://sede.usc.es/formularios/solicitudes/persoais/solicitudes/acceso.htm co mesmo certificado que usaches durante a matrícula, poderás ver a solicitude e tes acceso á pasarela de pago.
Con todo, esa ligazón non permite identificarse con redes sociais. Neste caso identifícate primeiro no propio formulario de matrícula por redes sociais, pero en vez de encher os datos abre a ligazón de solicitudes https://sede.usc.es/formularios/solicitudes/persoais/solicitudes/acceso.htm para acceder á pasarela de pago.
Se todo falla, enche de novo o formulario de matrícula cos teus datos, realiza o pago e, por favor, avísanos por correo electrónico do dobre envío.
Pero ten en conta que debes realizar o pago no prazo da convocatoria na que fuches admitido. Unha vez pasado o prazo, sortearemos a túa praza entre o alumnado da lista de espera.
Se tes dúbidas coa matrícula por favor escribe a xuvenciencia.matricula@usc.es
Réxime Interno do Campus XuvenCiencia
Descarga aquí o réxime interno.
Preguntas e respostas sobre o Campus XuvenCiencia
Non!!! entre os proxectos e actividades ofertamos opcións vencelladas ás Ciencias Sociais e ás Artes e Humanidades.
Adxudicaremos a metade das prazas na orde da recepción da preinscrición e a outra metade por sorteo entre todo o alumnado inscrito.
Cando vos preinscribades no Campus teredes puntuar as seguintes actividades segundo as vosas preferencias:
Proxectos (Martes, Mercores e Xoves pola mañá)
…
Visitas e obradoiros (Martes e Mércores pola tarde e Venres pola mañá)
…
Consulta a web para saber o que se fai en cada actividade.
A entrada será na residencia Abeiro (na contorna do Campus de Lugo da USC) o domingo 3 de xullo, de 18.00 a 21.00 h, e a saída, na mesma residencia, o sábado 9 de xullo, de 9.00 a 10.30 horas.
O Campus XuvenCiencia só se oferta con aloxamento e pensión completa en residencias e comedores do Campus de Lugo. Entre ti e mais eu: a ciencia está xenial, moi, moi ben, pero a convivencia…
