Sabías que coa luz se poden facer análises bioquímicas sen necesidade de facer probas complicadas? Neste proxecto exploraremos como distintas técnicas ópticas, empregadas en laboratorios de bioquímica e saúde, nos permiten coñecer a composición de líquidos biolóxicos e alimentos.

 

O primeiro día usaremos a cor —a fotometría— para medir canto calcio hai na sangue, e descubriremos por que é tan importante este mineral e como detectamos a súa presenza. O segundo día traballaremos coa luz polarizada para determinar a concentración de azucre en bebidas como refrescos, viños ou zumes, unha análise importante tanto para o control da calidade como para cumprir coas normativas nutricionais e sanitarias. E no terceiro día exploraremos o mundo microscópico: a luz tamén nos axuda a medir cousas tan pequenas como o grosor dun pelo ou dunha célula.

 

Se che interesa a bioquímica, a saúde ou a ciencia do que non se ve a simple vista, este proxecto é para ti. Anímate a descubrir como a luz nos axuda a entender mellor a vida.