Os modelos 3D son figuras virtuais tridimensionais, que poden facerse a escala e representar fielmente a realidade. Hoxe en día empréganse en multitude de campos (enxeñaría, medicina, veterinaria, arquitectura, moda, automoción, videoxogos, deporte...). Cada vez existen máis ferramentas informáticas que axudan á creación e ó desenvolvemento destes modelos, que non son outra cousa que a expresión das nosas ideas para resolver problemas cotiás.

Mediante a impresión 3D pódese así mesmo materializar practicamente calquera destes modelos, convertendo esas ideas en realidades.

Ven a esta actividade e aprenderás as bases para manexar software que che permitirá modelar graficamente algún obxecto sinxelo e facer posteriormente a súa impresión 3D, para que te leves para casa o resultado do teu traballo, para que te leves a túa “idea convertida en realidade”.