Usando microcontroladores como arduino ou ESP32 e sensores ambientais de baixo custo, imos medir e almacenar parámetros da nosa contorna: temperatura, humidade do aire, etc. Un sensor indicaranos canta auga hai no chan e tamén aprenderemos a calibrar un sensor de contido de auga do solo comparando os datos medidos de contido de auga do solo coa saída do sensor.

Falaremos da programación do microcontrolador para a gravación continua de datos e levaremos a cabo accións como acender un ventilador cando se supera unha determinada temperatura límite, mediante un relé. Tamén veremos como alimentar a placa arduino e os sensores con enerxía solar.