P07 Bota a voar a túa imaxinación e faino real coa Impresión 3D

Obxectivo
Pasarás de imaxinar un obxecto a poder manipulalo coas túas mans, empregando ferramentas de modelado 3D e a impresión 3D
Lugar de realización
Escola Politécnica Superior de Enxeñaría – Campus de Lugo
Descrición
É raro o día no que non apareza unha noticia relacionada co modelado e impresión 3D e as súas aplicacións, e é que, cada día os ámbitos nos que se poden utilizar van en aumento. Atopámonos con usos na enxeñería, arquitectura, automoción…, e mesmo en campos tan diferentes como a moda e a veterinaria ou a medicina!
Se nos baseamos nun uso a nivel particular, o modelado 3D permítenos deseñar obxectos que satisfán as nosas necesidades nun momento concreto, e poder materializalas mediante a impresión 3D.
Neste obradoiro poderás, dándolle renda solta á túa imaxinación, realizar o teu deseño mediante modelado 3D empregando unha das moitas ferramentas que existen actualmente para iso. Aprenderás tamén os principios básicos da impresión 3D, e configurarás o teu modelo para que se poida imprimir. Ao finalizar o taller, poderás levarche ese obxecto, que inicialmente estaba na túa imaxinación…convertido xa en algo real!
Palabras chave
Modelado 3D, impresión 3D, imaxinación