O V Congreso Científico da Montaña, celebrado os días 15 e 16 de xuño no CPI Poeta Uxío Novoneyra do Courel, serviu para presentar algunhas das actividades desenvolvidas ao abeiro do proxecto Convivio de Ciencia de XuvenCiencia. Convivio de Ciencia lévase adiante grazas ao financiamento do FECYT e á colaboración da Xunta.
Unha das propostas que puidemos ver foron as prácticas de cultivo de especies vexetais in vitro levada adiante polo alumnado do Centro de Formación Especial Agraria de Sergude (Boqueixón), máis concretamente do ciclo medio de Formación Profesional de Aproveitamentos e Conservación do Medio Natural, dentro do módulo de Produción de Planta Forestal en Viveiro.
Isto é o que nos contan desde o CFEA de Sergude:
Estamos a realizar as actividades 7 e 8 do kit Vitroplant de XuvenCiencia, desdenvolvido desde a USC Lugo, que son o enraizamento in vivo de Morus alba e ao mesmo tempo de aclimatación de Ilex x koehneana, previamente enraizado in vitro.
Morus alba é a moreira branca, moi cultivada en Asia, porque lles serve de alimento aos vermes da seda, mentres que Ilex x koehneana é un tipo de acivro híbrido moi aprezado en xardinería.
Podedes ver o póster a tamaño completo nesta ligazón.