Cinco proxectos desenvolvidos ao abeiro do proxecto Convivio de Ciencia, financiado pola FECYT, presentaranse os días 15 e 16 de xuño nun encontro no CPI do Courel
Achégase a fin de curso e toca tamén facer balance do proxecto Convivio de Ciencia, desenvolvido polo grupo de innovación docente XuvenCiencia de Lugo e financiado pola Fundación Española para la Ciencia y la Tecnología (FECYT). A avaliación de Convivio de Ciencia terá lugar nunha cita especial: o V Congreso Científico da Montaña, que se celebrará o xoves 15 e o venres 16 de xuño no CPI Uxío Novoneyra do Courel, coa participación de cinco propostas de Convivio de Ciencia.
| CENTRO | RESPONSABLES | CURSO | TÍTULO | RESUMO | AUTORES |
| IES Xoán Montes de Lugo
VÍDEO |
María Rancaño Herrán
|
1º BAC
|
Aquafish del Noroeste
|
Vídeo dunha necropsia de robaliza e analítica da auga dunha piscifactoría nun laboratorio para ver a causa da morte | Adrián Rodríguez Díaz Zaira García Varela Lucía Vázquez López Lucía Castaño López Mª Victoria Laya Perales Ana Isabel Pena Rivas Manuela Pita Casal Carmen Rodríguez Piñeiro Laura Bazarra Rodríguez Alejandra Camuñas Barreira Antía Lamela Méndez Antía Miragaya Vázquez Mª Cecilia Plaza González Olalla Torrón Núñez |
| IES Xoán Montes de Lugo
PÓSTER |
Amparo Veiga María Souto |
4º ESO | Unha experiencia de clonación vexetal con acrivro | Reproducimos, nas condicións do noso centro educativo, os pasos necesarios para a clonación da especie Ilex x koehneana, dende a preparación dos medios de cultivo ata a aclimatación dos explantos obtidos. Logramos unhas condicións de asepsia aceptables para o establecemento in vitro das nosas mostras, aínda sen cámara de fluxo laminar, mediante o uso de chisqueiros de alcohol; non observamos sinais de contaminación tras 40 días en ningún dos 24 recipientes preparados. Ao mesmo tempo, testamos a influencia de auxina (AIB) aplicada mediante dúas técnicas, na formación de raíces e posterior desenvolvemento das plantas, cun 100% de aclimatación |
Marta Cotillo Cagide Icia Quiñoá Fariñas Lucía Ramudo Vélez Álvaro Pin Campo Carla Mª Reija Torrón Lucía López Rodríguez |
| CFEA de Sergude Boqueixón
PÓSTER |
Carlos Vaamonde | CM de Aproveitamentos e Conservación do Medio Natural (módulo de Produción de Planta Forestal en Viveiro) | Prácticas de cultivo in vitro en Ciclos Medios de FP | Estamos a realizar as actividades 7 e 8 do kit Vitroplant de XuvenCiencia, que son o enraizamento in vivo de Morus alba e ao mesmo tempo de aclimatación de Ilex x koehneana, previamente enraizado in vitro | |
| IES O Couto de Ourense
PRESENCIAL PÓSTER |
Ibai Quinteiro
|
2º ESO | Proxecto Braille | O noso proxecto pretende transformar a impresora 3D do noso instituto nunha impresora braille. Con isto queremos facer un centro máis accesible a partir de ferramentas que xa temos. As impresoras braille e outras máquinas que se empregan para escribir neste alfabeto, como a máquina Perkins, son demasiado caras para nós e para o alumnado con menos recursos. Para levar a cabo o noso proxecto organizámonos en tres grupos especializados: investigación, programación e materiais. Desenvolvendo este proxecto, conseguimos saber como funciona o braille, programamos o alfabeto en GCODE e algunha palabra, e preparamos un prototipo para modificar a impresora 3D e poder facer os puntos no papel. | Nadia Abreu Veloso Xoana Álvarez Fernández Aitana Blanco Muñoz Tamirat Carballo Plágaro Martina da Costa Fernández Owen de la Cruz Hernández Luis Feijoo Fernández André González Pérez Ainhoa González Gómez Chloë Edelweiss González Pérez David Graña Gómez Aide Gulín Rodrigues Ausberto Hernández Núñez Raúl Limia Osorio Antía Lorenzo Doval Carla Martínez Pérez Hugo Oliveira Fernández Carlos Pérez Vázquez Paula Rodríguez de la Fuente Gabriel Rodríguez Prado Nahomy Anthonella Rojas Contreras Delia Rubín Gómez Laura Salgado López Alicia Salgado Bóveda Iria Seguín Garrido Shaila Trigo Crespo |
| IES O Couto
PRESENCIAL PÓSTER
|
Ibai
|
3º ESO | Electromusgo | O obxectivo do proxecto era obter enerxía a partir de musgo. Imos empregar material reciclado para que o musgo estea aí e conectalo para xerar a suficiente electricidade para acender unha lámpada LED. O musgo libera glicosa despois de realizar a fotosíntese e unhas bacterias absórbena. Estas bacterias soltan electróns e son canalizados por un ánodo e un cátodo para xerar electricidade |
Mateo Silva Gamazo Lois Rial Vázquez Brais Guillermo Lasprilla Rodríguez |
O V Congreso de Ciencia da Montaña está organizado pola rede Estudantes da Montaña Conciencia2, integrada polos CPI do Courel, Pedrafita, Navia de Suarna e Cervantes e polos IES de Becerreá e A Fonsagrada, que tamén amosarán as iniciativas do seu alumnado durante as dúas xornadas. A cita será presencial e retransmitida en streaming e contará coas charlas de Uxío Novo Rei, da Fundación Uxío Novoneyra, e do investigador da USC Julio Rodríguez López. A programación, que se pode consultar completa nesta ligazón, incluirá tamén roteiros, obradoiros, xogos populares e monólogos científicos a cargo de Eva Cabanelas.
2 comentarios en «Fin de curso no Congreso Científico da Montaña»
Pingback: O IES O Couto de Ourense prepara unha impresora braille – Magacine Convivio
Pingback: Como obtemos enerxía a partir do musgo? – Magacine Convivio