‘XuvenCiencia. Fago, logo aprendo’ arranca a súa sexta convocatoria con seis kits para a investigación na aula
A iniciativa promovida polo grupo de innovación docente XuvenCiencia do campus de Lugo da USC vén de abrir a convocatoria para participar nas xornadas de formación de profesorado de ensino medio.
Un equipamento de trazabilidade alimentaria e outro de análise fotométrica do contido de proteína en leite serán as novidades para o curso 2019/2020, que seguirá a ofertar a posibilidade de experimentar co cultivo in vitro de plantas, o diagnóstico veterinario, as tecnoloxías da luz e a humidade do solo
O proxecto ‘XuvenCiencia. Fago, logo aprendo’ conta con chegar a máis dun milleiro de alumnos de Secundaria e Bacharelato este curso, vén de abrir a convocatoria para o profesorado de ensino medio que desexe participar na sexta convocatoria das xornadas formativas para docentes cos que arranca o proxecto.
As persoas interesadas en participaren nesta actividade formativa e incorporárense á familia XuvenCiencia poden formalizar a matrícula antes do 25 de novembro a través do formulario on-line da páxina web https://xuvenciencia.org/portal/xornada/vi-xornadas-xuvenciencia-para-profesorado/. Unha das novidades para a convocatoria 2019/2020 reside en que por primeira vez se ofertan programas diferenciados para os profesores novos en XuvenCiencia e para aqueles que xa teñen participado en anteriores anos académicos e queren afondar na metodoloxía investigadora.
Programa resumido
-
10 de xaneiro de 2020, sesión 3:
- Explicacións das actividades do kit e actividades básicas. (N)
- Deseño de proxectos de investigación nas aulas de secundaria utilizando os kits XuvenCiencia. (V)
-
11 de xaneiro de 2020, sesións 4 e 5: (só profesorado novo)
- Formación avanzada no kit elixido. (N)
-
Nunha data por determinar a principios de 2020:
- Obradoiro «A práctica investigadora na aula» (N+V)
-
29 de maio de 2020, sesión 6:
- Xornada de posta en común de resultados das iniciativas desenvolvidas na aula. (N+V)
Coa colaboración da
