@s participantes poderán comprobar os procedementos actuais empregados en investigación punteira en enerxías mariñas para optimizar o deseño de convertedores de enerxía undimotriz a través da súa modelaxe física en canle de ondas, e así simular o seu comportamento en condicións reais de ondaxe.

Seguindo un modelo desenvolto na Universidade de Davis móstrase un simulador de mapas topográficos en 3D interactivo que se actualiza en tempo real cando o manipula o usuario. Tamén se pode simular a escorrentía de augas cando se “fai chover” sobre o terreo.