Nesta visita ao laboratorio da Plataforma de Enxeñaría da Madeira Estrutural, farase un percorrido por algúns produtos de madeira estrutural fabricados en Galicia con madeira de orixe local de plantacións xestionadas de forma sostible, os ensaios de laboratorio necesarios para o seu desenvolvemento e a validación destes produtos, as súas aplicacións e as súas vantaxes. Difundiranse os proxectos de investigación a nivel autonómico e europeo que a PEMADE realiza actualmente, divulgando o coñecemento científico xerado de maneira práctica e didáctica.

A fabricación da estrela da morte requiriu de tecnoloxía avanzada, coñecida como Industria 5.0, para poder acometer semellante obra. Nesta actividade mergullarémonos na utilización dos autómatas programables ou PLCs. Os PLCs son controladores que se empregan na industria interplanetaria para o control de procesos industriais. Aprenderás a estrutura básica destes trebellos, así como, a conexión a distintos tipos de actuadores e sensores. Poderás dar os primeiros pasos facendo algún programa sinxelo que poias poñer en práctica os coñecementos adquiridos. O imperio precisa de ti!!